اكبر 10 مخاوف لرواد الاعمال وكيفية التغلب عليها
فيه اعتقادات خاطئة حول البزنس اللى بتحبيه ولايق عليكى ، الاعتقادات والمخاوف دى
تؤدى الى سوء تواصلك مع العملاء فتؤثرعلى تطوير البزنس اللى لايق عليكى وتقللى
من ارباحك
هذه المخاوف هى :
صراع الهوية : “اتواصل مع الناس ازاى من غير تسويق ولا بيع ، انا مش
بياعة ولا بتاعة تسويق ؛ دول ناس غشاشة”
عشان تتغلبى على المخاوف والافكار السلبية دى ، بصى للموضوع من ناحية تانية
وحطيه فى اطار جديد تشوفى منه الكلام ده بطريقة ايجابية ، وتفضلى تكررى التفكير
بالاطار الجديد ده ، لحد ما تتخلصى من الفكرة السلبية وعقلك يستبدلها بالفكرة الايجابية
الجديدة بنسمى العملية دى : اعادة تأطير
اعادة تأطير ” البيع والتسويق من اساسيات نجاح وتطوير البزنس اللى لايق عليَا ؛ فمن
خلالهم اقدر اتواصل مع العملاء”
الخوف من الرفض : “انا اذا اكلمت عن شغلى وسوقتله مش هيحبونى
وهيكرهونى ، هيرفضوا يكلمونى بعد كده”
اعادة تأطير: “ده بسبب انى بروح اكلم مع العميل الغلط ، لما احدد صح مين عميلى
” المثالى اللى بيسمعلى ، هيحبوا يتواصلوا معايا
الخوف من سوء الفهم : “هيفتكروا انى بابيع ليهم عشان عايزة فلوس وكانى
بشحت منهم”
اعادة تأطير: “لو ركزت تفكيرى فى تقديم خدماتى ومنتجاتى للعميل وانا بكلم معاه
اكتر ما انى اركز تفكيرى فى انى عايزه فلوس ، هيفهمنى صح وده هيوصله اثناء
حديثى معاه”
التعلق بنتائج العميل : “طب لو العميل طبق الخطوات ولم ينجح؟”
اعادة تاطير : “انا كده بساعده على الاحباط والفشل ، مش النجاح ، ركزى على
الخطوات اللى بتعمليها معاه ، والنتيجة على ربنا : ان الله لا يضيع اجر من احسن عملا”
سوء فهم القيمة : “الناس بتستفيد من الحاجة المجانية اكثر من الحاجة اللى
بيدفعولها فلوس”
اعادة تأطير: “الناس بتقدَر اكتر الحاجات المدفوعة ، الدراسات اثبتت كده: كل ما الناس
هتدفع اكثر، كل ما الناس هتقدَراكثر حاجتك اللى بتبيعها ليهم”
ضعف فى التقدير الذاتى : ” محدش عايز الحاجة اللى بعرضها وهياخدوها
من اى حد تانى غيرى ، ايه اللى بقدمه يعنى عشان ياخدوه منى او
يسمعونى؟”
اعادة تأطير: “مش كل الناس هتسمع شخص واحد بس ، كل واحد بيحب يسمع ناس
معينة وناس تانية لا”
مؤشر ضبط المال : “محدش هيدفع الفلوس اللى بطلبها لمنتجاتى وخدماتى”
اعادة تاطير: “انا محتاجة ازود واعلى مؤشر ضبط المال بتاعى ؛ عشان اكون مرتاحة
وانا بقول اسعارى واتقبلها ولا اقلل منها”
التقليل من قدراتك : ” انا مش بعمل حاجة مميزة ، فليه بقه حد هيدفعلى
الفلوس دى كلها؟”
اعادة تأطير: “اسهل حاجه بعملها هى صعبة عند غيرى، مش العكس”
انا لست جيدا بما يكفى : “فى الارقام ، التنظيم ، الادارة …الخ
اعادة تأطير: “انا بس محتاجة اتعلم شوية المهارات دى ؛ عشان ابدا اطور من البزنس
اللى لايق عليا”
الخوف من اكثر شىء اكرهه : “اكثر حاجه خايفة ان الناس تفتكرها فيَا هى……………”
اعادة تأطير: ” طول ما انا مركزه على الناس بتفكر فيَا ازاى بطريقة سلبية فده غالبا هو
اللى هيحصلى ، الناس جاية عشان تسمعنى ، مش عشان ينتقدونى ! “
تخلصى فورا من الافكار والمخاوف دى واستبدليها بافكار ومشاعر ايجابية ؛ لانها
هتوقفك انك تكملى طريق نجاحك ، طريق البزنس اللى بتحبيه واللى لايق عليكى
اعملى بزنس لايق عليكى
رفيف قناوى