عقلية الموظف أم رجل الأعمال ؟
لما تروحى تشترى لبس : زى بلوزة او بنطلون او جاكت…او حتى اكسسوارات ..
او تشترى اكل : زيت وسكر وملح ورز وفراخ …الخ
بتنزلى تشترى زيت فى يوم ،
وتانى يوم بتشترى السكر
وثالث يوم تشترى الملح…
ولا بتشترى الحاجات دى كلها فى يوم واحد مرة واحدة؟ (اكل الشهر)
ايوه ..سامعاكى..
طبعا بتشتريهم كلهم مرة واحده
ويا سلام بقه لما يكون عليهم عرض (جملة)
تقدرى توفرى فى السعر لما تشترى بالجمله او لما يكون عليهم عروض اذا اشتريتهم مع بعض مرة واحده
غير لما تشترى كل واحده لوحدها هتكون اغلى
ايه يا رفيف اللى بتقوليه ده؟
ايه علاقة الاكل واللبس بالبزنس والمشاريع الخاصة؟
انا اقولك يا ستى
الحكاية وما فيها…ان اللى بتعمليه فى حياتك الشخصية هو نفس اللى بتعمليه فى مشروعك الخاص (حياتك العملية)
ازاى؟
بتروحى تشترى بلوزة واحده وبس
او جاكت لوحده
او اكسسوار مع نفسه
وبسسسس
تلاقى نفسك بعد كده ركنتيهم فى الدولاب ومش عارفه تلبسى حلو بالوان متناسقة ولايقة عليكى
انك تشترى كل حاجه لوحدها ، ده بيضيع مجهودك وفلوسك ومش بتقدرى تحلى مشكلة عدم التناسق فى اللبس والالوان …ده انتى بتنسيهم اصلا فى الدولاب وتعدى بالسنة والسنتين راكناهم وناسياهم اصلا
الصح والافضل والاقوى ليكى انك تشترى طقم على بعضه كامل متكامل : بلوزة وجاكت وجيبة مثلا مع الشوز والاكسسوارات مع بعض
كده وفرتى وقتك ومجهودك وفلوسك لان طقم على بعضه هيكون عليه عرض او تخفيض فارخصلك كمان
او تاخدى طقم customize مخصوص ليكى..كل حاجه فيه متكاملة مع بعضها ومناسبة ليكى انتى
بس طقم…مش كل حاجه لوحدها
نفس الحكاية فى البزنس
يعنى : عشان تقدرى تعملى بزنس لايق عليكى ، انتى محتاجه تشتري الحلول كلها على بعض جمله
كده هتستفيدى اكتر وكمان هتاخدى بسعر ارخص من القطاعى
مش كفاية انك تحلى مشكلة واحدة او جزء من مشكلة وباقى المشكلة لا…
طب والباقى؟
كده البزنس مش هتعرفى تعمليه سواء هو اون لاين او اوف لاين (شركة قائمة بالفعل)
احصائيات بتقول ان 90% من الشركات والمشاريع الصغيرة والمتوسطة بتقفل وبتخسر من اول سنة
ليه؟ …
عشان لما بنفتح مشروع مش بنتعلم يعنى ايه بزنس ولا بنستثمر وقتنا فى اننا نتعلم اعمدة اساسية فى اى بزنس زى التسويق والبيع
ومش بنتعلم جميع الحلول الخاصة بالبزنس ده
بتتعلمى حتة او جزء بسيط جدا …والباقى لا
زى مثلا انك تاخدى جلسة مع كوتش او باكج جلسات عشان تتخلصى من اى مخاوف عندك موقفاكى انك تبدئى بزنس لايق عليكى..وخلاص على كده
او انك تقرى على الانترنت وتاخدى فكرة يعنى ايه بزنس…وخلاص على كده
او تدرسى وتاخدى خبرة عملية فى التخصص بتاعك (مجال البزنس) وتتعمقى فيه جدا وبس على كده ..من غير ما تتعلمى ازاى تعمليله تسويق وازاى تبيعيه
او انك تتعلمى بعض من استراتيجيات البزنس البسيطة فى البيع …وبسسسسس كده
فيه بقه اللى بتاخد البزنس فهلوة ..يعنى هى فاهمه التخصص بتاعها فقط…وبتروح تتكلم وتبيع للناس بدون دراسة بدون خبرة عمليه
دى اسمها فهلوة
ده غلط و غير كافى تماما لانك تبدئى بزنس..
الصح والاقوى: ان انتى تاخدى دول كلهم واكثر ..مرة واحدة
كده هتتعلمى بسرعة وبشكل اعمق وكمان ارخص (زى الاكل اللى بتشتريه
تاخدى جلسات تطويرية وممكن تتعلمى تقنيات نفسية كمان عشان تحلى بيها المشاكل اللى عندك..الاعتقادات والمشاعر السلبية اللى بتوقفك انك تكملى بزنس لايق عليكى وخصوصا ناحية البزنس والتسويق والبيع
زى مثلا :
..ان انتى بتقولى نفسك : I’m not good enough
مش واثقة من نفسك
شايفة انك بتكرهى البيع والتسويق
شايفة ان هو فيه غش وخداع للناس
خايفة تكلمى ادام الناس لانهم هينتقدوكى
خايفة من المسؤولية ..الخ
الحاجات دى كلها حاجات سلبية وبتوقفك عن انك تكملى بزنس لايق عليكى
فبالتالى تاخدى جلسات تطويرية او تتعلمى تقنيات نفسية تستخدميها عشان تشيلى الحاجات السلبية دى ،
انا بستخدم eft تقنية الحرية النفسية ، ممكن تاخدى جلسات معايا او مع غيرى
لكن هى الفكرة ان الاحسن انك تاخدى باكج ـ اشترى بالجملة على بعضه
ليه؟
لان انتى بتدورى على حل للمشاكل اللى عندك مش مجرد حاجه واحدة بس او حاجه فرعية بتحليها ، لا ، انتى عايزة تعملى بزنس لايق عليكى فهتشيلى الحاجات السلبية دى وفى نفس الوقت تتعلمى استراتيجيات بزنس صحيحه ،
احط مكان الاعتقادات السلبية دى استراتيجيات بزنس صحيحة علشان اقدر اكمل بيها المشروع الخاص اللى عايزة اعمله ، اون لاين او اوفلاين او ايا كان شكل المشروع ده ايه
فالحلو انك تشترى او تشتركى فى باكج على بعضه ، الباكج ده بيحل حاجات كتير
، بيحل المشاكل النفسية اللى موجودة ،
بيحل مشاكل البزنس وخصوصا فى التسويق والبيع والبراندنج،
بتتعلمى ازاى تعرفى تبيعى و تسوقى شغلك صح وباحترافيه
ازاى تعرفى تعملى براند
وتعرفى الناس عن نفسك ،
الحاجات دى مش مجرد ان بيكون عندك اعتقادات سلبية موقفاكى فتشيليها بتقنيات نفسية لا كمان لازم تتعلمى استراتيجيات صحيحة للبزنس..استراتيجيات كاملة متكاملة .. عشان تمشى تطبقى الخطوات وتقدرى ان انتى تكملى وتقدرى فعلا تعملى المشروع ده
انا عن نفسى حتى فى حياتى الخاصة بعمل كده لما اكون عايزة اشترى اكل او لبس او
كورس او كتب او …الخ
بدور على باكج على بعضه اشتريه عشان ارتاح وابدا صح وماضيعشى وقتى ومجهودى وفلوسى كمان
لو اشتريتى بلوزة لوحدها او حجاب لوحده او جيبة لوحدها غالبا بتركنيها كده فى الدولاب ومابتلبسيهاش لان انتى مش عارفه تنسقى اللبس على بعضه
او لما تيجى تنسقيه تحسى انه هو لبس شوية عادى ، غير بقه لما واحده فى المحل ده مثلا او بتتعاملى مع ستايلست تقدر تديكى لبس على بعضه لايق عليكى لايق على لون بشرتك لايق على شخصيتك وجسمك…لايق على الستايل اللى انتى عايزاه
فبالتالى هتقولك خدى البلوزة دى والجيبة دى او البنطلون ده وعليه الجاكت ده ويا سلام لما تلبسى معاه الاكسسوار ده والشوز دى مع الشنطة دى
ده كله كده مع بعضه متناسق والالوان متناسقة مع بعض ولايقه جدا عليكى وعلى شخصيتك كمان قبل ما تكون على لون بشرتك
كده وفرتى فلوسك فى انك تروحى تلفى هنا وهناك وتشترى كل حته لوحدها …كمان ووفرتى مجهودك ووقتك
انتى كمان اعملى كده
دورى على حل solution مش مجرد ادوات تستخدميها وخلاص ..
فمين احسن؟
تشترى قطعة كده من الملابس لوحدها ولا تاخدى طقم كله على بعضه متناسق؟
هو بالضبط كده نفس الفكرة
ان انتى فى البزنس..نفس الحكاية..بدل ما تاخدى من كل فيلم اغنية زى ما بيقولوا
تتعلمى حاجه هنا وحاجه هناك
تاخدى جلسه هنا وجلسة هناك
انا كنت زيك وبعمل كده برضه
اخد كورس والباقى قراءات
اخد جلسة وخلاص
اكتفى بشوية نصائح عن البزنس
اعمل فى مجال تخصصى اعلان ممول على الفيس او اعلانات جوجل
وخلاص
لا طبعا ده مش كفاية
مكانش حد غلب…
كانت كل الناس عرفت تعمل بزنس وتكسب منه بسهولة باعلان على الفيس او شوية فيديوهات
الافضل …خدى الباكج كله على بعضه احسن ليكى وارخص ليكى كمان
طيب تعملى ده ازاى؟
فيه حلين :
الحل الاول
انك تقدرى تبحثى على الانترنت وفى الكتب على اللى انتى محتاجاه – مع تخصصك طبعا – عشان تبدئى بزنس زى التسويق والبيع وادارة الاموال والخطط الاستراتيجية والتسويق الالكترونى وعلم نفس التسويق …الخ
وتجمعيهم مع بعض وتعملى باكج وتاخديه تطبقيه واحدة واحده ، بس انتبهى لازم يكون سعرهم معقول
الحل الثانى :
انك تاخدى باكج كامل متكامل من حد محترف فى البزنس يختصر عليكى وقتك وفلوسك
ممكن اديكى نموذج عمل business model “بزنس لايق عليك” اللى انا عملته واخدت عليه ملكية فكرية وتطبقى معايا خطوات النموذج باقل تكلفة وفى وقت قصير
نموذج بزنس لايق عليك
ده شامل متكامل لو طبقتي المراحل اللى فيه بتقدرى تعملى بزنس صح وتكملى مش تقفى وتستمرى وباتزان واى حاجه توقفك بتقدرى تشيليها الكلام ده كله موجود فى النموذج
وتقدرى منه تكونى مبسوطة ومرتاحه نفسيا وتحققى دخل مادى كويس جدا ده غير ان انتى بتوصلى لاكبر عدد من الناس وتقدرى تساعديهم وتحلى مشاكلهم بالمنتجات والخدمات بتاعتك
هتتعلمى من نموذج العمل ده :
ازاى تفهمى نفسك وتعرفى نقاط القوة بتاعتك وازاى تستخدميها صح..فى الوقت المناسب والمكان المناسب وبالطريقة اللى لايقه عليكى انتى..مش حد تانى
ازاى تعملى ماركتك الشخصية ليكى وللبزنس ده ..بحيث انك ترسمى صوة ذهنية عن البراند بتاعك وتترسخ فى اذهان العملاء بتوعك اللى هيسمعوكى وهتساعديهم
ازاى تحددى العملاء بتوعك صح وتخليهم يثقوا فيكى وفى شغلك
ازاى تحددى مجال بزنس لايق عليكى وتعملى ابحاث ودراسة جدوى وتصممى منتجاتك وخدماتك اللى هتساعديهم بيها ،
مش مجرد ادوات او كورسات ..لا لكن هتتعلمى ازاى تعملى باقات (باكجات) للمنتجات او الخدمات دى
زى ما شرحتلك فى المقالة دى
ازاى تحددى خطة شخصية لايقة عليكى تحققى منها ارباحك
ازاى تعملى ترويج للبراند بتاعك ولمنتجاتك وخدماتك صح
ازاى تبيعى وتقنعى العميل وتردى على اعتراضاتهم وتسهلى عليهم قرار الشراء
ازاى تعملى تسويق لايق عليكى والتسويق بالمحتوى والتسويق الالكترونى وتستخدميه
صح وبقوة فتقدرى توصلى لاكبر عدد من الناس وتساعديهم فى حلول مشاكلهم وباقل تكلفة
كل ده تقدرى تتعلميه و تعملى بزنس اون لاين من النموذج ده وانتى فى بيتك
وتقدرى تطوريه كمان
الاون لاين مش عشوائى ، ده مجال محتاج تركيز وفهم كويس…مش صعب بس فى نفس الوقت مش سهل؛ عشان تعرفى ازاى توصلى لعميلك وتوصلى له منتجاتك وخدماتك
لا تستهينى بالاون لاين ، الناس كلها دلوقتى بتبدأ من الاون لاين وبعد كده بتقدر تكبر نفسها وشغلها وتقدر ساعتها تفتح شركة فى المكان اللى عايزاه
شركة هوتسوت hootsuite : : ودى منصة مهمة جدا لادارة الحسابات على الفيس بوك وكل مواقع التواصل الاجتماعى عملت احصائيات بتقول فيها :
50% من سكان العالم بيستخدموا الانترنت
37% بيستخدموا مواقع التواصل الاجتماعى : الفيس والانستجرام
وتويتر واليوتيوب …الخ
108% بيدخلوا من موبايلاتهم على الانترنت
فى الدول العربية عدد السكان 246 مليون
منهم 60% بيدخلوا على الانترنت
38% عندهم حساب فعال على السوشيال ميديا ، ده كده اعلى بشوية من المعدل العالمى
مصر : عدد السكان 95 مليون نسمة
37% على الانترنت
37% عندهم حساب فعال على السوشيال ميديا
يعنى حوالى 35 مليون شخص معظمهم على الانترنت والسوشيال ميديا
السعودية : 32.5 مليون نسمة
70% موجودين على الانترنت
59% عندهم حساب فعال على السوشيال ميديا
وغيرها احصائيات كتييير
العالم كله متجه الان الى الانترنت والسوشيال ميديا
ندوة بزنس لايق عليكى تقدرى تشوفيها من هنا
اعملى بزنس لايق عليكى ..ابدئى اون لاين من المنزل…من بيتك باقل تكلفة وفى وقت قصير
مش بس هتحققى حريتك النفسية والمالية …و نمط الحياة واللايف ستايل المفضل عندك
لا كمان هتقدرى توصلى لاكبر عدد من الناس وتساعديهم فى حل مشاكلهم بالبزنس ده
انا حطيت كل خبرتى العملية والاكاديمية فى النموذج ده ، عشرات السنين والاف الدولارات صرفتها عشان اتعلم واخد خبرة واعمل بزنس لايق عليا
واساعدك انتى كمان ..تاخدى الخبرة دى كلها وتختصرى على نفسك وقت ومجهود وفلوس فعملته بسعر معقووول جدا وتقدرى تاخديه ايا كان مكانك فين وفى اى وقت مناسب ليكى
هاه…ايه رايك؟
تشترى جملة ولا قطاعى؟
عقلية الموظف أم رجل الأعمال ؟
استخدمى منطقة التعليقات الموجودة ادناه ، وشارك معنا خبراتك او نصائحك حول هذا الموضوع